Գոնսալո Իգուաինի վնասվածքի պատճառով թիմի կազմում մնացել է մեկ լիարժեք հարձակվող հանձինս Քարիմ Բենզեմայի: Արդեն իսկ հայտնի է, որ արգենտինացին բացակայելու է առնվազն երկու ամիս: Սա նոր լիցք է հաղորդել նոր հարձակվող ձեռք բերելու խոսակցություններին: Այդ հարձակվողի դերում կարող է հանդես գալ «Վոլֆսբուրգի» հարձակվող Էդին Ջեկոն:

Գերմանական ակումբի գլխավոր մենեջեր Դիթեր Խյոնեսը, որը «Բավարիայի» գլխավոր մենեջեր Ուլի Խյոնեսի կրտսեր եղբայրն է, հայտարարել է. «Նրա գինը, գաղտնիք չէ, 40 մլն է»: Հենց այդքան է գնահատել Խյոնեսը Ջեկոյի պայմանագրի խզման արժեքը, որը գործում է մինչև 2013 թվականը:

«Շատ ակումբներ են հետաքրքրված Ջեկոյով, սակայն կոնկրետ ոչ մի առաջարկ չենք ստացել, այդ թվում նաև Մադրիդից: «Ռեալ» - «Միլան» հանդիպման ժամանակ ես «Բերնաբեուի»օթյակում հանդիպել եմ Ֆլորենտինոյին և Վալդանոյին, բայց Ջեկոյի մասին մենք չենք զրուցել: Ես չեմ մեկնաբանում շշուկները»:

 ԱՂԲՅՈՒՐ - http://realmadrid.am