Սերխիո Բուսկետսի հետ պայմանագիրը երկարացնելուց հետո, Բարսելոնայի ղեկավարությունն իր ուշադրությունը կենտրոնացրել է թիմի արժեքավոր ֆուտբոլիստ, եզրային պաշտպան Դանի Ալվեշի վրա և ցանկանում է նրան ևս երկար ժամանակ պահել ակումբում:
Նոր պայմանագրի վերաբերյալ բանակցությունները բրազիլացի ֆուտբոլիստի գործակալի և Սուբիսարետայի միջև անցնում են բավականին ջերմ մթնոլորտում և կարելի է ասել, որ ամեն ինչ պատրաստ է ստորագրման համար:
Հիշեցնենք, որ վերջերս, կատալոնյան ակումբի ղեկավարությունը, չէր ցանկանում տեղի տալ Ալվեշի պահանջի առաջ և նրան վճարել տարեկան շուրջ մեկ ու կես միլիոն եվրո ավելի աշխատավարձ քան նա ստանում է: Ինչ համաձայնության են եկել կողմերն այդ հարցում դեռևս պարզ չէ, սակայն ակնհայտ է, որ Բարսելոնան չի կարող իրեն թույլ տալ կորցնելու մի ֆուտբոլիստի, ով իր խաղային դիրքում անփոխարինելի է ակումբի համար:
Логин
Пароль
