El Mundo Deportivo-ն պնդում է, որ կատալոնյան ակադեմիայի սան, Լոնդոնի Արսենալի ավագ Սեսկ Ֆաբրեգասն արդեն պայմանավորվածություն ունի Բարսելոնայի նախագահ Սանդրո Ռոսելի հետ և ամռանը կտեղափոխվի Բարսա: Նշվում է նաև, որ Ֆաբրեգասի հետ Բարսելոնան կստորագրի հնգամյա պայմանագիր, ինչպես նաև ֆուտբոլիստը հանդես կգա իրեն հարազատ 4 համարի մարզաշապիկով:

Սակայն Արսենալն առաջվա պես դեմ է այդ տեղափոխությանը, որի համար Բարսելոնան ստիպված կլինի 50 միլիոն եվրոյի չափով առաջարկ ներկայացնել, որն իբր բանակցությունների սեղանի շուրջ կբերի անգլիացիներին:

Իրականություն կդառնան իսպանական մամուլի այդ խոսակցությունները թե ոչ, պարզ կդառնա ավելի ուշ, մեր կողմից հավելենք միայն, որ նախորդ տարի, մեծ դժվարությամբ, բայց այնուամենայնիվ Արսենալին հաջողվեց իր մոտ պահել Ֆաբրեգասին: