Կարող է Մադրիդի Ռեալը վեց ամիս, այսինքն՝ մինչև տրանսֆերային հաջորդ շրջան, ձեռք բերելով Ռուդ Վան Նիստելռոյին՝ փոքր-ինչ լուծել հարձակման գծում առկա խնդիրները, սակայն, ինչպես պնդում է իսպանական հեղինակավոր AS լրատվական կայքը, Արքայական ակումբը պատրաստվում է ամռանը ձեռք բերել անվանի հարձակվողի:
AS-ը տեղեկացնում է, որ Ռեալն իր աչքի առաջ ունի Ուեյն Ռունիին, Լլորենտեին և Ագուերոյին: Ռունիին՝ Մոուրինիոն շատ լավ գիտե դեռևս Չելսին մարզած տարիներից, իսկ Ագուերոն և Լլորենտեն պորտուգալացու ուշադրության կենտրոնում են հայտնվել նրա՝ Իսպանիա գալուց հետո:
Երեքի մեջ Ռունին ամենաթանկ տրանսֆերային արժեքն ունի, քանի որ Մանչեսթեր Յունայթեդը նրա համար սահմանել է 70 միլիոն եվրո գումար: Ագուերոն վերջերս է երկարաձգել պայմանագիրը Ատլետիկոյի հետ, որով նրա արժեքը սահմանվել է 45 միլիոն, իսկ Լլորենտեի տրանսֆերային գինը 36 միլիոն եվրո է:
Логин
Пароль
