Մադրիդի Ատլետիկոյի հարձակվող Դիեգո Ֆոռլանը պատասխանել է բոլոր նրանց, ովքեր պնդում են, թե ինքը այնքան էլ տրամադրված չէ խաղադաշտում և պատրաստվում է լքել ակումբը մրցաշրջանի ավարտից հետո:
«Բավականին խաղաղ եմ և իմ տրամադրվածությունը չի փոփոխվել: Անցյալ տարի ունեցա փոքր-ինչ վատ շրջան, սակայն դա չի նշանակում, թե պակասել է իմ նվիրվածությունն ակումբի հանդեպ: Ամեն հանդիպումից առաջ, խաղադաշտ եմ մտնում միայն հաղթանակի հասնելու մտադրությամբ»,- նշել է ուրուգվայցի հարձակվողը:
Ֆոռլանը նաև բացահայտում է կատարել. նա նշել է, որ Մադրիդի Ռեալը, Էմանուել Ադեբայորին վարձավճարով վերցնելուց առաջ, դիմել է Ատլետիկոյի գլխավոր տնօրենին՝ իրեն գնելու համար:
«Մադրիդի Ռեալը հաղորդակցվել է Ատլետիկոյի գլխավոր տնօրեն Միգել Անխել Մարինի հետ, սակայն վերջինս նրանց պատասխանել է, որ չեմ վաճառվում: Այդ մասին Մարինը տեղեկացրել է իմ ներկայացուցչին, որ մերժել է Ռեալի առաջարկը»,- ասել է Ֆոռլանը:
Հիշեցնենք, որ Ֆոռլանով հետաքրքրված էր նաև Թուրինի Յուվենթուսը:
Логин
Пароль
