Դիցուք դիտելով Կալսիկոյի հավանական մեկնարկային կազմը, տեսնում ենք, որ Բարսելոնան ծախսել է իր կազմի վրա երեք անգամ ավելի քիչ գումար քան Ռեալը: Կատալոնացիները գնեցին Ալվեշին, Աբիդալին և Վիլլյային: ԻՆչպես նաև վճարի դիմաց վերադարձրեցին Բարսելոնայի սան Պիկեին: Ընդամենը նրանք ծախսեցին 95 միլիոն եվրո: Մնացած 6 թիմակիցները կապտանռնագույնների սաներն են: Հետաքրքիրն այն է, որ միայն Քրիշտիանո Ռոնալդուն արժե 95 միլիոն:

Ռեալի ենթադրյալ հիմնական կզմից միայն Կասիլյասն է ակումբի սան: Իսկ մնացած խաղացողների ընդհանուր արժեքը կազմում է մոտավորապես 269 միլիոն եվրո: Դա էլ հաշվի չառնելով վնասվածք ստացած Կակային, որի համար ծախսվել է 67 միլիոն եվրո:

Անհատական տիտղոսներով Բարսայի խաղացոները նույնպես առջևում են: Բարսելոնայի ֆուտբոլիստները բոլորը միասին նվաճել են 137 տիտղոսներ, որոնցից մեծ մասը Բարսայի կազմում: Մինչ այդ Ռեալի խաղացողները նվաճել են 76 տիտղոս, որից միայն Կառվալյուն 18-ը նվաճել է Պորտոյի և Չելսիի կազմում: