ՖԻՖԱ-ի նախագահ Յոզեֆ Բլատերը կարծում է, որ Իսպանիայի առաջնությունն աշխարհի ամենալավ լիգան է, և անգլիական Պրեմիեր լիգան շատ բան ունի սովորելու իսպանացիներից։

Հիշեցնենք, որ ՖԻՖԱ-ի տարվա լավագույն թիմում են հայտնվել Իսպանիայի առաջնությունում հանդես եկող 8 ֆուտբոլիստ։

«Դա աշխարհի ուժեղագույն լիգան է։ Եթե նայենք Իսպանիայի հավաքականի մեկնարկային կազմին, ապա կտեսնենք, որ բոլոր ֆուտբոլիստները խաղում են այդ երկրի առաջնությունում. իսպանական լիգայում մեծամասնություն են կազմում տեղացի խաղացողները»։

«Անգլիայի Պրեմիեր լիգան աշխարհում ամենավաճառվող առաջնությունն է։ Դա լավ առաջնություն է լավ ֆուտբոլիստներով, բայց եթե հաշվի առնենք այն փաստը, որ նրանցից ոչ մեկը չընդգրկվեց տարվա լավագույն թիմում, կարծում եմ, նրանք պետք է մտածեն փոփոխությունների մասին», – Բլատերի խոսքերն է մեջբերում Goal.com–ը՝ հղում կատարելով CNN World Sport–ին։