Իսպանական "Բարսելոնայի” կիսապաշտպան Չավի Էրնանդեսը հերքել է այն լուրերը, համաձայն որոնց նա ծաղրել է Մադրիդի "Ռեալի” կիսապաշտպան Լասանա Դիարային, փոխանցում է Sport.es-ը:
Բանը նրանում է, որ "Նոու Կամպում” կայացած "կլասիկոյից” հետո որոշ իսպանական ԶԼՄ-ներ լուրեր էին տարածել, թե հանդիպումից հետո Չավին գնդակը պարզել է Դիարային և ասել. "Վերցրու և շոշափիր այն, քանի որ հանդիպմանը ընթացքում դու զրկված էիր այդ հնարավորությունից”:
Իմանալով այս մասին` Չավին ասել է. "Ես միանշանակ հերքում եմ այդ ասեկոսեները: Նման բան տեղի չի ունեցել և չէր կարող տեղի ունենալ: Եթե ես իրոք ինձ նման բան թույլ տված լինեի, ապա դա անհարգանք կլիներ "Ռեալի”, "Բարսելոնայի” և հենց Դիարայի հանդեպ”:
Логин
Пароль
