Իսպանական Լա Լիգայում երեկ իրենց հանդիպումներն անցկացրեցին չեմպիոնության համար պայքարող Մադրիդի Ռեալն ու Բարսելոնան: Երկար ժամանակ է ինչ երկու թիմերը միայն հաղթանակներ էին տոնում՝ սպասելով մեկը մյուսի սայթաքմանը:

Հաղթական ուղղուց շեղվեց Ռեալը՝ Անդալուզիայում 1-1 ավարտելով Ալմերիայի հետ արտագնա իր հանդիպումը: Ռեալն այդպիսով կորցրեց երկու թանկագին միավոր, որը կարող է ճակատագրական լինել չեմպիոնության համար մղվող պայքարում, քանի որ Բարսելոնան լավագույնս օգտվեց իր գլխավոր հակառակորդի մատուցած նվերից և, իր դաշտում, 4-1 հաշվով ջախջախեց Մալագային: Մինչ այդ, Բարսան ուներ երկու միավորի առավելություն Ռեալի նկատմամբ, որը վերջինիս երեկվա սայթաքումից հետո դարձավ չորս: