Մամադուն ունի ավելի մեծ շանսեր թիմը լքելու, քանիոր նրա պայմանագիրը ավարտվում է առաջիկա տարվա հունիսին: 

«Ռեալի» կողմից Մ´Վիլայի հետաքրքրության հիմնական զոհերը կարող են լինել երկու Դիարաները` Լասը ու Մամադուն: Ֆրանսիացի երիտասարդ խաղացողի գալը կարող է արագացնել այս խաղացողներից մեկի վաճառքի գործընթացը:

Մամադու Դիարան ավելի մեծ շանսեր ունի հեռանալու համար, քանի որ նրա պայմանագրի ժամկետը ավարտվում է գալիք տարվա հունիսին, այնպես որ ձմռանը «Ռեալը» փորձելու է նրան վաճառել, որպեսզի որևէ գումար ստանա նրա համար, այլապես ամռանը խաղացողը ազատ խաղացողի կարգավիճակով կհեռանա: Ժամանակին այս խաղացողին գնելու համար «Ռեալը» վճարել է 16 մլն եվրո: Հունվարի 1-ից Դիարան իրավունք ունի իր համար նոր ակումբ փնտրել:

Դիարան ընդհանրապես չի մտնում Մոուրինյոյի պլանների մեջ, քանի որ կան Լասը ու Խեդիրան: Նա ընդամենը 201 րոպե է անցկացրել պաշտոնական խաղերում: Ձմռանը նրան կցանկանան գնել շատ ակումբներ, որոնցից են «Լիվերպուլը» ու «Մալագան», բայց կոնկրետ առաջարկներ չեն ստացվել առայժմ:

Լասի դրությունը այնքան էլ լավ չէ, քան մալիացունը: Չնայած որ ակումբը պնդում է, որ չի ցանկանում վաճառել ֆրանսիացուն, խաղացողը գոհ չէ թիմում իր դերից ու եթե ամեն ինչ այսպես մնա, ապա ձմռանը նա կփնտրի նոր ակումբ: Այս մասին նա նույնիսկ մեկ անգամ ասել է, երբ գնտվել է հավաքականի կազմում.«Եթե ձմռանը ամեն ինչ մնա այսպես, ապա ես կփնտրեմ նոր ակումբ»:

Եթե հանկարծ ակումբը որոշի վաճառել նրան, ապա գնորդների պակաս հաստատ չի լինի: Նրանով հետաքրքրվում են «Մ.Յունայթեդը», «Տոտենհեմը» ու «Ֆեներբախչեն»: Նրանք ուշադիր հետևում են խաղացողին ու սպասում են նրա կարգավիճակի մասին նոր տեղեկությունների:

ԱՂԲՅՈՒՐ - http://realmadrid.am