Գոնսալո Իգուաինի վնասվածքից հետո Բենզեման ստանձնեց այն դերը, որի համար ի սկզբանե գնվել էր ակումբի կողմից: Հիմա նա Մոուրինյոյին պետքէ ավելին քան երբևէ:

Բենզեմայի առաջ կամաց-կամաց բացվում են հեռանալու դռները: Ֆրանսիացին սխալվելու իրավունք չունի: Նա պետք է արթնանա: Հիմա կամ երբեք: Իգուաինի վնասվածքը, որը արգենտինացուն շարքից դուրս թողեց երկար ժամանակով, հիմնական կազմի դռները բացեց Բենզեմայի առաջ, ով ճիշտ ժամանակին օգնության հասավ: Հիմա Ֆրանսիայի հավաքականի հարձակվողը թիմին պետք է ոչ միայն մարզաշապիկներ վաճառելու համար: 

Իգուաինի փոխարեն խաղալու է Բենզեման, ումից մինչև հիմա էլ սպասումյ են հիանալի խաղ ու գոլեր, ինչի համար էլ «Լիոնին» «Ռեալը» 35 մլն եվրո վճարեց: Մինչ այս պահը միայն ասվում էր, թե նա ադապտացման փուլում է: Նրա գալուստը մոտ է, շատ մոտ: Հիմա նա ավելի թանկ է թիմի համար, քանիոր պետք է իր վրա վերցնի պատասխանատվությունը ու փորձի գնդակներ հեղինակել` միավորվելով թնդանոթ Ռոնալդուի հետ:

«Ռեալին» ու Մոուրինյոյին անհրաժեշտ է Բենզեման: Կարիմը չունի վրիպելու շանս, քանի որ դա կարող է նրա վերջին վրիպումը լինել: Նա առաջիկա խաղում մեծ դեր է ունենալու: Նա այդպիսի դեր է ունեցել Ալիկանտեում, Միլանում ու Խիխոնում: Բայց երևում է, դա քիչ էր: Մի քանի խաղով հնարավոր չէ համոզել ղեկավարությանը, որ լավ հարձակվող ես: Մադրիդում եկել է նոր ժամանակ, որի ընթացքում Բենզեման պետք է անի անհնարինը: Հիմա նա պարզապես փոխարինող չէ: Դիպուկությունը նրան շատ է պետք:

Իր Մադրիդ գալուց ի վեր Բենզեման կատարելագործել է իր իսպաներենը ու հիմա համարվում է «Ռեալի» հիմնական հարձակվողը: Նույնիսկ ղեկավարությունը նրանից սպասում են վճարված միլիոնների պատասխանը: «Ձեռքբերումնե՞ր ձմռանը. Իգուաինի վնասվածք ստանալուց հետո մեզ մնացել է միայն մեկ հարձակվող` Բենզեման, այնպես որ սա բացառված չէ»,- ասում են ղեկավարությունից:

Մադրիդը սպասում է նրա ժեստերին ու ժպիտին: Միակ օրը, որ մինչ  այսօր իսկապես ուրախացրել է «Բեռնաբեուին», եղել է այն օրը, երբ Ռոնալդուն ու մի ողջ մարզադաշտ վանկարկեցին.«Մեկ, երկու, երեք.. Հալա Մադրիդ»:Կկարողանա՞ Բենզեման իրականության վերածել հայտնի երգի բառերը` «Je m'appelle Karim Benzema» (Ես Կարիմ Բենզեման եմ, ես եկել եմ): Ցույց կտա խաղը...

ԱՂԲՅՈՒՐ - http://realmadrid.am