Էստեբան Գրաներոն ԶԼՄ-ներին ասաց, որ անկախ այն փաստից, որ իրենք արդեն մյուս փուլում են, թիմը շատ մոտիվացված է:

«Ես չեմ հասկանում մոտիվացված լինել չլինելու հարցը, եթե խաղում ես այս մարզադաշտում Չեմպիոնների լիգայի խաղ: «Ռեալի» մարզաշապիկը հագնելը, նրա կազմում խաղալը ու այս մրցաշարին մասնակցելը բավականաչափ մոտիվացիա է անկախ այն փաստից, որ մեր համար այս խաղը ոչ մի բան չի որոշում: Մենք պետք է խաղանք մեր ակումբի համբավի ու երկրպագուների ցանկությունները բավարարելու համար: Եթե սա չէ մոտիվացիան, ապա ես չգիտեմ, թե ինչ հասկացություն է դա»:

«Թիմը այս տարի լավ համալրումներ ունեցավ, իսկ մեր մարզիչը ամենահեղինակավորներից մեկն է Եվրոպայում: Սա մեզ թույլ կտա լավ հանդես գալ Եվրոպայում: Եթե այս ամենին հավելենք նաև այն, որ «Ռեալը» ցանկանում է հաղթել բոլոր մրցաշարերում, ապա մենք նույնիսկ մեծ հավակնություններ ունենք համարվել այս մրցաշարի գլխավոր ֆավորիտ: Մենք գիտենք, որ կարող ենք հաղթել Չեմպիոնների լիգայում: Մենք բավականին որակներ ունենք այդ նպատակի իրականացման համար ու ամեն ինչ կանենք այն կատարելու համար»:

«Իսպանիայի Պրկմերայում կան շատ խաղացողներ, որ անցել են «Ռեալի» դպրոցով: Վաղվա խաղը Մորատայի ու Սարաբիայի համար նոր փորձ չի լինի, քանի որ նրանք արդեն մի քանի անգամ մարզվել են մեր հետ: Նրանք շատ երջանիկ են ու արդյունավետ կօգտագործեն ամեն մի ստացած շանս: Ես գիտեմ, որ նրանք կփորձեն անել ամեն ինչ շատ լավ, եթե շանս ստանան»:

ԱՂԲՅՈՒՐ - http://realmadrid.am