Բարսելոնայի գլխավոր մարզիչ Պեպ Գվարդիոլան, մամլո ասուլիսում, խոսել է իր թիմի և Մադրիդի Ռեալի հնարավորությունների մասին:
«Վստահաբար յոթ միավորն ավելի լավ է չորսից: Հաստատ այն գիտեմ, որ երկու տարի առաջ ունեինք 12 միավորի տարբերություն և 6-2 հաշվով հաղթանակի հասանք Ռեալի նկատմամբ, որպեսզի վերջնականորեն հաղթենք առաջնությունը»,- ասել է Գվարդիոլան:
Նա ասել է նաև, թե ինչ կաներ, եթե այժմ գտնվեր Ռեալի ղեկին. «Նախ կփորձեի ֆուտբոլիստներին ապացուցել, որ դեռևս ունեն հույսեր: Կվերլուծեի այն սխալները, որոնք առկա էին Օսասունայի հետ խաղում: Նրանց կասեի, որ Բարսելոնայից՝ 5-0 հաշվով կրած պարտությունը սովորական երեք միավորի կորուստ էր և ոչ ավելին»:
Նա ավարտել է իր ասուլիսը հետևյալ խոսքերով. «Այսօրվա սերունդը սովորել է, որ Բարսելոնան միշտ առաջինն է, իսկ Մարդիդի Ռեալը՝ միշտ երկրորդը: Դա ցանկանում եմ, որ շարունակվի»:
Логин
Пароль
