"Ռեալի” հարձակվող Գոնսալո Իգուաինը պատմել է, թե ինչպես է ընթանում իր ապաքինումը վնասվածքից հետո:

"Ես աստիճանաբար վերականգնվում եմ և հուսով եմ, որ հնարավորինս շուտ կվերադառնամ շարք: Ես պետք է համբերատար լինեմ լիովին ապաքինվելու համար: Ես շատ լավ ընտելացել եմ "Ռեալին”, պետք է ասեմ, որ  բավականին բարդ էր դառնալ հիմանական կազմի ֆուտբոլիստ”, - Իգուաինի խոսքերն է մեջբերում Marca-ն:

AS-ի հաղորդմամբ` Գոնսալո Իգուաինը, այնուամենայնիվ, ստիպված կլինի վիրահատության ենթարկվել: Մոտ մեկ ամիս առաջ նրա մոտ միջողնաշարային ճողվածք էին հայտնաբերել, բայց առայժմ պարզ չէ` վիրահատական միջամտության կարիք կլինի, թե` ոչ:  Հունվարի 10-ին պարզ կլինի` կխուսափի արդյոք արգենտինացին վիրահատությունից, թե` ոչ: Այժմ Իգուաինը բուժվում է Բուենոս Այրեսում:

Ներկա մրցաշրջանում Իգուաինը 12 հանդիպում է անցկացրել  Իսպանիայի առաջնությունում և խփել 7 գոլ: Իսկ Չեմպիոնների լիգայում հարձակվողը մասնակցել է 4 հանդիպման և երկու գնդակի հեղինակ դարձել: 

ԱՂԲՅՈՒՐ - http://ArmSport.Am