Մադրիդի «Ռեալի» հարձակվող Գոնսալո Իգուաինը մեկնել է  Բարսելոնա, որպեսզի խորհրդատվություն ստանա բժիշկ Էնրիկե Կասերեսից:

Հիշեցնենք, որ ֆուտբոլիստը ողնաշարի ճողվածք է ստացել, և ակումբի բժշկական անձնակազմը փորձում է գտնել ֆուտբոլիստի բուժման լավագույն լուծումը: Խոսքը նաև վիրահատական միջամտության մասին է: Վնասվածքաբանության, օրթոպեդիկ վիրաբուժության և սպրոտային բժշկության մասնագետ Կասերեսն ասել է.«Ֆուտբոլիստը ողնաշարի վնասվածք է ստացել: Ախտորոշումը ճիշտ  է կատարվել: Այն բուժումը, որը նա ստանում է Մադրիդում, պետք է նպաստի, որպեսզի  երեք օր հետո նա ավելի լավ զգա և խուսափի վիրահատական միջամտությունից: Բայց եթե երկուշաբթի բարելավում չլինի, ապա նա ստիպված կլինի վիրահատական սեղանին պառկել: Իգուաինը թիմի շարքերից դուրս կգա 4-6 շաբաթով»:

Ինքը ֆուտբոլիստն ասել է, որ հույս ունի' կխուսափի վիրահատական միջամտությունից' ավելացնելով, որ ինքը և բժիշկները փորձում են ընդունել լավագույն որոշումը:

ԱՂԲՅՈՒՐ - http://armsport.am