Մադրիդի «Ռեալի» հարձակվող Գոնսալո Իգուաինը, ով բարեհաջող է վիրահատվել երեքշաբթի օրը, բաց կթողնի առաջիկա չորս ամիսները:
Վիրահատական միջամտությունն անհրաժեշտ էր միջողնաշարային ճողվածքի համար, ինչի պատճառով այս մրցաշրջանում Գոնսալոն չկարողացավ խաղալ երկու ամիս: Վիրահատությունը կատարվել է Չիկագոյում, և ինչպես նշել է բժիշկ Ռիչարդ Ֆեսլերը, անցել է հաջող:
«Մենք հայտնաբերեցինք այն, ինչ փնտրում էինք: Որևէ խնդիր չառաջացավ, և ֆուտբոլիստն արագ է վերականգնվում: Ինձ թվում է, որ նա կարող է մարզվել երկու ամսից: Սակայն խաղադաշտ դուրս գալ արգենտինացին կարող է դուրս գալ երեք-չորս ամիս անց»:
Այսպիսով, Իգուաինը կարող է մասնակցել Իսպանիայի առաջնության և Չեմպիոնների լիգայի վերջին խաղերին, եթե «Ռեալը» մինչ այդ մասնակցի այդ մրցաշարին:
«Մայիսին Գոնսալոն պատրաստ կլինի 95 տոկոսով: Այսպես եմ ասում, քանի որ վիրահատության հետևանքները կվերանան միայն տարվա վերջում»,-ավելացրել է բժիշկ Ֆեսլերը:
Логин
Пароль
