Մյունխենի «Բավարիայի» հարձակվող Միրոսլավ Կլոզեի գործակալ Ալեքսանդր Շուետտը հայտարարել է, որ ֆուտբոլիստի ծառայություններով հետաքրքրված է Մադրիդի «Ռեալը»:
Մադրիդի «Ռեալը» ներկայումս հարձակման գծում խնդիրներ ունի, քանի որ վնասվծք է ստացել Գոնսալո Իգուայինը, իսկ 32-ամյա Կլոզեն ոչ միշտ է խաղում «Բավարիայի» հիմնական կազմում, քանի որ մնացել է հիանալի հանդես եկող Մարիո Գոմեսի ստվերում:
«Մի քանի իսպանական ակումբներ կապվել են ինձ հետ Միրոսլավի հարցով: «Ռեալ Մադրիդը» նույնպես դիմել է ինձ, բայց հետաքրքրությունն այս պահին այդքան էլ լուրջ չէ»,- Bild-ի հետ զրույցում ասել է Շուետտը:
Ավելացնենք, որ Կլոզեի պայմանագրի ժամկետը «Բավարիայի» հետ ավարտվում է առաջիկա ամռանը:
Логин
Пароль
