Արդեն երկար ժամանակ է ինչ Բարսելոնան չի կարողանում նոր պայմանագրի շուրջ համաձայնության գալ թիմի բրազիլացի պաշտպան Դանի Ալվեշի հետ: Այս օրերին շարունակվում են բանակցությունները, սակայն անարդյունք, քանի որ բրազիլացին ցանկանում է ավելի բարձր աշխատավարձ, քան ստանում է: Բարսելոնան մինչև հիմա որևէ զիջման չի գնում, սակայն իրավիճակը բարդանում է, քանի որ արաբական կապիտալով օժտված Մանչեսթեր Սիթին, խոստանում է Ալվեշին 8.5 միլիոն եվրո տարեկան աշխատավարձ, եթե վերջինս տեղափոխվի Սիթի:
Նշվում է նաև, որ Մանչեսթեր Սիթին, Ալվեշի տրանսֆերի համար, պատրաստ է վճարել 26 միլիոն եվրո, որը երբեք չի կարող բավարարել Բարսելոնային, քանի որ Ալվեշի կորուստի հետ պատրաստ չեն հաշտվել ոչ Գվարդիոլան, ոչ էլ թիմի ղեկավարությունը:
Գվարդիոլան և ակումբի մարզական տնօրեն, նախկինում անվանի դարպասապահ Սուբիսարետան հույս են հայտնել, որ Դանի Ալվեշը ոչ մի դեպքում չի հեռանա Բարսելոնայից, սակայն այժմ այլ է իրավիճակը, քանի որ կա մի ակումբ, որը պատրաստ է կատարել բրազիլացու ֆինանսական բոլոր պահանջները:
Логин
Пароль
