Լիոնել Մեսսին, France Football ամսագրին տված հարցազրույցում հայտարարել է, որ երջանիկ է իր նվաճած բարձրունքների համար, ինչպես նաև ասել է, թե իր կյանքը նման է մի երազի:
«Իրապես ինձ շատ երջանիկ եմ զգում: Իմ այս տարիքում երկու Ոսկե գնդակների արժանանալը շատ կարևոր է, որն ավելին է ինչ սպասել եմ: Գնահատում եմ ամեն օրս, որ իմ կյանքում աժանացել եմ այդպիսի բախտի»:
Մեսսին խոսել է նաև իր առօրյայի մասին: Նա ասել է, որ երբ չունի խաղ կամ պարապմունք՝ մնում է տանը և հեռուստացույցով դիտում է ֆուտբոլ, լուրեր կամ որևէ ֆիլմ: Նա նշել է, որ հաճախ է հանդիպում իր թիմակիցներ Միլիտոյի, Մասկերանոյի և Պինտոյի հետ, որոնց ընկերակցությամբ կամ տանը կամ էլ որևէ տեղ կազմակերպում են տարբեր հավաքույթներ:
Հարցազրույցի վերջում Մեսսին ասել է. «Իմ կյանքը մի երազ է»:
Ավելացնենք, որ Լիոնել Մեսսին 2009 և 2010 թթ. ճանաչվել է աշխարհի լավագույն ֆուտբոլիստ:
Логин
Пароль
