Ինչպես հայտնի է, Մադրիդի Ռեալը, Իգուաինի վնասվածքից հետո, ունի հարձակողական ֆուտբոլիստի մեծ կարիք: Արդեն տեղեկացրել էինք մեր ընթերցողներին, որ Մոուրինիոյի ցանկալի առաջին թեկնածուն բոսնիացի Էդին Ջեկոն է, սակայն վերջինիս ձեռք բերելու համար, բանակցություններն այնքան էլ հարթ չեն ընթանում: Ռեալը, Վոլսբուրգի հարձակվողի համար, պատրաստ է վճարել 25 միլիոն եվրո, մինչդեռ գերմանացիներն անդրդվելի են՝ Ջեկոյի համար նրանք ցանկանում են 40 միլիոնից ոչ պակաս:

Դա է հավանաբար պատճառը, որ Ռեալի ղեկավարությունը փնտրում է գտնել հարցի լուծման այլ տարբերակներ:  Նախ լուրեր տարածվեցին, որ Ռեալը հետաքրքրված է Ալմեյդայով, իսկ այսօր արդեն Il Corriere dello Sport-ը հայտնում է, որ մադրիդյան ակումբը, հունվարյան տրանսֆերային շրջանում, ցանկանում է վարձավճարով Ռեալի կազմում տեսնել Ինտերի արգենտինացի հարձակվող Դիեգո Միլիտոն:

Հիշեցնենք, որ ժամանակին շատ էր խոսվում այն մասին, թե Մոուրինիոն՝ Ինտերից Ռեալ տեղափոխվելուց հետո, իր թիմ կբերի Միլիտոյին:

ԱՂԲՅՈՒՐ - http://gol-bet.com