Աշխարհի 2010 թ. լավագույն մարզիչ ճանաչված Ժոզե Մոուրինիոն հայտարարել է, որ Մեսսին արժանի չէր երկրորդ տարին անընդմեջ Ոսկե գնդակին արժանանալու:
Պորտուգալացին նշել է, որ արդար չէ, երբ հեթ-տրիկ ձևակերպած Ինտերի ոչ մի ֆուտբոլիստ ընդգրկված չէր Ոսկե գնդակի հավակնորդ եռյակում:
«Արդեն նշել եմ, որ լավագույնը Խավին է, ինչպես նաև Շնայդերն ու Միլիտոն, քանի որ գիտեմ, թե անցյալ տարի Ինտերում ինչ կարևոր աշխատանք են նրանք կատարել: Մտածում եմ, որ շատ անարդար և վատ ստացվեց, մանավանդ Խավիի համար: Նրան բարձր եմ գնահատում իբրև ֆուտբոլիստի և գիտեմ, որ շատ է նեղվել»,- AC-ին տված հարցազրույցում ասել է Մոուրինիոն:
Բնականաբար նա չի մոռացել հիշատակել նաև իր ներկա թիմի ֆուտբոլային աստղ Ռոնալդուին և ասել է. «Քրիստիանոն չորս կամ հինգ անգամ կարժանանա Ոսկե գնդակի»:
Логин
Пароль
