Գաղտնիք չէ, որ Մադրիդի Ռեալը հունվարյան տրանսֆերային շրջանում գնելու է մեկ հարձակվողի, քանի որ Իգուաինի վնասվածքից հետո, այդ դիրքում մնացել է միայն Բենզեման:

Իսպանական As գործակալությունը ներկայացնում է Մոուրինիոյի հինգ գլխավոր թեկնածուների անունները, որոնք հավակնում են այդ դիրքին:

Մոուրինիոյի ցանկը՝ ըստ հրատարակչության

Կառլոս Տևես - Ցանկանում է հեռանալ Սիթիից

Զոժե Մոուրինիոյին դուր է գալիս Տևեսի խաղը դեռ այն ժամանակներից, երբ վերջինս աշխատում էր Անգլիայում: Մինչև անգամ, Մոուրինիոն փորձել է Տևեսին բերել Չելսի, որը չի ստացվել: Այժմ արգենտինացին ցանկանում է հեռանալ Մանչեսթեր Սիթիից, սակայն «քաղաքացիները» նրան ազատ չեն արձակի 30 միլիոն եվրոյից ոչ պակաս գումարով:

Ադեբայոր - փորձառություն 

Ընհամենը 26 տարեկան հասակում, տոգոցի հարձակվողը, հասցրել է հանդես գալ Մեցում, Մոնակոյում, Արսենալում: Այժմ Ադեբայորը Սիթիում է և չի նվաճել դեռ ոչ մի տիտղոս: Բոյը 1.91 մետր է:

Լուկակու - Շատ գումար են ցանկանում տեղափոխության համար

Անդերլեխտն իր երիտասարդ աստղի համար ցանկանում է ստանալ 20 միլիոն եվրոյից ոչ պակաս գումար: 17 տարեկան է, բոյը՝ 1.94 մետր և ցանկանում է ավարտել դպրոցը Բելգիայում:

Ջեկո - Տրանսֆերի գինը 40 միլիոն եվրո է

Հենեսը ասել է Ac-ին. «Նրա գինը գաղտնիք չէ՝ 40 միլիոն: Ունի խնդիրներ գլխավոր մարզչի հետ»: 24 տարեկան է, իսկ բոյը՝ 1.92 մետր:

Վալդես - Մատչելի հնարավորություն

Լավ հարաբերություններ կան նրա թիմի՝ Հերկուլեսի և Ռեալի միջև: Այս մրցաշրջանում Վալդեսը դարձել է վեց գոլի հեղինակ: Տրանսֆերային արժեքը կազմում է հինգ միլիոն եվրո, որը բավականին մատչելի է Արքայական ակումբի համար: Վալդեսը, տեղափոխման պարագայում, կարող է հանդես գալ նաև Չեմպիոնների լիգայում:

ԱՂԲՅՈՒՐ - http://gol-bet.com