Հարցազրույցի ժամանակ Ժոզե Մոուրինյոն ասաց, որ գոհ է թիմի տարած հաղթանակից և խոսեց կատարած փոփոխությունների մասին:
«Այսօրվա խաղում հաղթելը շատ կարևոր էր, քանի որ մեզ անհրաժեշտ էր վստահություն ձեռք բերել անցած տուրի սարսափելի խաղից հետո»:
«Խաղը փոխվեց, երբ Բենզեման մտավ խաղադաշտ: Շատ կարևոր էր այս խաղում լավ տպավորություն թողնել, քանի որ մենք խաղում էինք սեփական դաշտում»:
«Կանոնադրությունը թույլ է տալիս օգնական մարզիչներին հրահանգել խաղացողներին: Իմ թիմը չի կարող իրեն թույլ տալ զգալ ճնշում: Անհրաժեշտ է կայունություն, առանց դրա մենք կարող ենք միավոր կորցնել ու վատ խաղ խաղալ: Մենք երբեք չենք վախենում մեր մրցակցից: Մենք խաղացել ենք առաջնությունում 14 խաղ ու հաղթել ենք 11-ում: Մենք հաղթել ենք սեփական դաշտում կայացած բոլոր խաղերում: Մենք նաև հաղթել ենք ՉԼ-ի հինգ խաղերից` չորսում»:
«Ինձ չէր անհանգստացնում, որ Ալբիոլն ու Արբելոան հիմնական կազմում էին: Նրանք շատ կարևոր խաղացողներ են մեզ համար: Նրանք երկուսն էլ շատ լավ ու ճիշտ թիմային խաղացողներ են: Նրանք աշխատում են լիարժեք և միշտ էլ կայուն են խաղացել այս մրցաշրջանում: Սա Ալբիոլի առաջին խաղն էր որպես մեկնարկային ֆուտբոլիստ և նա ֆանտաստիկ էր: Մենք խնդիրներ չենք ունենա, երբ Ռամոսն ու Կառվալյուն չխաղան: Ես գիտեի, որ Ալբիոլն ու Արբելոան լավ կգործեն»:
«Ես չեմ ցանկանում խոսել մրցավարից, հիմնականում, որովհետեւ ես չեմ կարող խոսել Ալբելդայի կարմիր քարտի մասին»:
«Ես հարգում «Վալենսիային» որպես դժվար մրցակից: Այս հաղթանակով մենք ձեռք բերեցինք կայունություն»:
ԱՂԲՅՈՒՐ - http://realmadrid.am
Логин
Пароль
