Մադրիդի «Ռեալի» գլխավոր մարզիչ Ժոզե Մոուրինյոն իտալական La Gazzetta dello Sport-ին տված հարցազրույցում  հայտարարել է, որ չի պատրաստվում լքել  ներկայիս ակոմբը: Հիշեցնենք, որ վերջին օրերին իսպանական և իտալական լրատվամիջոցները քննարկում էին պորտուգալացու՝ «Ինտեր» վերադառնալու հնարավորությունը:

«Ես պատրաստվում եմ դեռևս երկար տարիներ աշխատել «Ռեալում»: Այստեղ շատ աշխատանք կա և ոչ միայն խաղադաշտում: Ես ակումբի հետ չորս տարվա պայմանագիր ունեմ, որի պայմանները պատրաստվում եմ կատարել: Հուսով եմ, որ «Ինտերը» չի զգա իմ ծառայությունների կարիքը, քանի որ դա կնշանակի, որ իրենք սխալ ճանապարհ են ընտրել: Իհարկե, չեմ կարող ասել, որ երբեք չեմ վերադառնա «Ինտեր», սակայն նույն բանը կարող եմ ասել նաև այլ ակումբների մասին: Պարզապես ես միշտ նախապատվությունը կտամ «Ինտերին»,- ասել է Մոուրինյոն:

ՍՂԲՅՈՒՐ - http://TotalFootball.Am