Մադրիդի «Ռեալի» գլխավոր մարզիչ Ժոզե Մոուրինյոն մեկնաբանել  է ազգային առաջնության 18-րդ տուրի շրջանակում կայացած  իր թիմի խաղը «Վիլյառեալի» հետ: Այս մասին հաղորդում  է  «Marca»-ն:

Պորտուգալացի մասնագետի խոսքերով, ինքը շատ դժգոհ է եղել իր թիմի'  առաջին խաղակեսին ցուցադրած խաղից, երբ «Ռեալը» հաղթում էր 4:2 հաշվով:

«Ինձ բոլորովին դուր չեկավ իմ թիմի խաղն առաջին խաղակեսում, քանի որ մրցակիցը ֆանտաստիկ խաղաց: «Վիլյառեալը» լավագույն թիմն է, ում հետ մենք հանդիպել ենք «Սանտյագո Բեռնաբեուում: Առաջին խաղակեսում  ավելի տրամաբանական կլիներ 3:1 հաշիվը հօգուտ մրցակցի, «Վիլյառեալը» շատ մոտ էր հաղթանակին: Ընդմիջմանը ես խոսեցի ֆուտբոլիստների հետ և ասացի, որ ցանկանում եմ խաղի կառուցվածքը փոխել: Մենք սկսեցինք  ճնշում գործադրել մրցակցի վրա, իսկ խաղի արդյունքը փոխվեց այն բանի արդյունքում, որ մենք սկսեցինք խաղալ երկրորդ խաղակեսում: Մրցակիցն իր բոլոր ուժերը կենտրոնացրել էր պաշտպանության վրա»,-ասել  է Մոուրինյոն: