«Ռեալի» գլխավոր մարզիչ Ժոզե Մոուրինյոն Պրիմերայի 17-րդ տուրում «Խետաֆեի» հանդեպ տարած հաղթանակից հետո (3:2) խոստովանել է, որ այդ հանդիպումը նրա մոտ հակասական էմոցիաներ է առաջացրել:
«Տարօրինակ հանդիպում ստացվեց, - Մոուրինյոյի խոսքերն է մեջբերում AS-ը, - երբ թիմերը դաշտ դուրս եկան, ես համոզված էի, որ հանդիպումը կավարտվի 3:0 կամ 4:0 հաշվով: Սակայն ընդմիջմանը հասկացա, որ մենք կորցնում ենք վերահսկողությունը: Երկրորդ խաղակեսի սկզբին մտածեցի, որ ամեն ինչ կարգավորվում է: Սակայն բաց թողնված գոլերը, Արբելոայի հեռացումը և հակառակորդի խաղաոճը թույլ չէին տալիս հաղթանակ ակնկալել:
«Ռեալն» այսօր ինձ դուր չեկավ: Թիմին չհաջողվեց կենտրոնացվածություն դրսևորել: Մենք բազում հնարավորություններ ընձեռեցինք «Խետաֆեին» վտանգավոր գրոհներ կազմակերպելու համար: Իմ սաները պետք է ավելի լավ գործեն պաշտպանությունում»:
Логин
Пароль
