Ինչպես և նախորդ տարի, լավագույն ֆուտբոլիստի քվեարկությունը կատարվել է ոչ առանց խախտումների: Ինչպես "СЭ”-ին հայտնել են Tipsbladet դանիական հրատարակչությունում, հավաքականի գլխավոր մարզիչ Մարտին Օլսենի և թիմի ավագ Կրիստիան Պոուլսենի ձայները չեն հասել ՖԻՖԱ, թեև ազգային ֆեդերացիայում պնդում են, որ ամեն ինչ ժամանակին են արել:
Սակայն Գվատեմալայի հավաքականի ավագ Գիլերմո Ռամիրեսը հայտարարել է, որ նրա քվեաթերթիկը ճիշտ չեն հաշվել: Բացի դրանից` "Ոսկե գնդակի” հաղթողին ընտրելիս ՖԻՖԱ-ն չի հաշվել Հոլանդիայի հավաքականի մարզիչ Բերտ վան Մարվեյկի և ավագ Մարկ վան Բոմելի ձայները, քանի որ նրանք իրենց եռյակում ընդգրկել էին իրենց հայրենակից Ուեսլի Սնեյդերին: Ընդ որում մրցույթի կանոններում պաշտոնապես նշված չէ, որ չի կարելի քվեարկել հայրենակցի օգտին:
Հիշեցնենք, որ նախորդ տարի քվեարկողների ցուցակում բացակայում էին Ռուսաստանի ներկայացուցիչների անունները: Ինչպես ճշտել է "СЭ”-ն, ՌՖՄ-ն ձայներով ֆաքսը այն ժամանակ կամ չէր հասել ՖԻՖԱ, կամ արդեն այնտեղ էր կորել:
Логин
Пароль
