Մադրիդի "Ռեալի” նախկին հարձակվող Ուգո Սանչեսը համեմատել է "Ռեալի” ֆուտբոլիստ Կրիշտիանու Ռոնալդուին և "Բարսելոնայի” ֆուտբոլիստ Լիոնել Մեսսիին:

Մեքսիկացին կարծում է, որ Ռոնալդուի հետ հակառակորդները ավելի կոպիտ են խաղում: 


"Ռոնալդուի դեմ ավելի կոպիտ են գործում, քանի որ նա ֆիզիկապես ավելի ուժեղ է և դիմացկուն: Իսկ Մեսսիի դեպքում ամեն ինչ այլ է, քանի որ նա ավելի արագ է և կարողանում է խուսափել դրանից: Օրինակ, ես միշտ ատլետիկ պայքար էի մղում հակառակորդներիս հետ, քանի որ վստահ էի, որ կհաղթեմ: Իսկ Մեսսին խուսափում է ատլետիկ պայքարից, քանի որ վստահ չէ, որ հաղթող դուրս կգա այդ պայքարում: Պետք է նաև նշեմ, որ այդ ֆուտբոլիստներին շատ են նախանձում, բայց այդ երևույթը հատուկ է շատ մարդկանց”, - ասել է Սանչեսը: