Պյանիչը այս թիմերի վերջին դիմակայության հերոսն էր, քանի որ հենց նրա խփած գոլը լիոնցիներին տվեց քառորդ եզրափակչի ուղեգիր:

«Ես մինչև հիմա երջանիկ եմ, որ այդ գոլը մեր թիմին օգնեց պայքարից դուրս թողնել ուժեղ մրցակցի: Բայց իմ երջանկությունը տևեց մինչև այսօրվա վիճակահանությունը, երբ տեսա որ մեզ բաժին հասավ «Ռեալը»,- ասել է Միրան:

«Անկեղծ ասած ես ավելի հեշտ մրցակից էի ցանկանում ունենալ, քանի որ այս տարվա «Ռեալը» անհամեմատ ուժեղ է նախորդ տարվա թիմից: Նրանք հիմա ավելի լավ են խաղում, նրանց մարզում է լավագույն մարզիչը, ով թիմին մեծ վստահություն է ներշնչում: Պարզ է, որ այս տարի նրանք մեզ համար ավելի բարդ մրցակից են քան նախորդ տարում: Շատ, չափից դուրս շատ դժվար է լինելու»,- շարունակել է Պյանիչը:

Պյանիչը, սակայն, նշեց իր թիմի մեծ բնավորությունը ու հույս հայտնեց, որ մինչ խաղը «Լիոնը» անհրաժեշտ մարզավիճակը կհավաքի.«Ես կարծում եմ, որ այս վիճակահանությունը ավելի շատ կօգնի մեր թիմին: Բացի այդ մենք ավանդաբար լավ ենք խաղում նրանց դեմ, քանի որ 6 խաղից հինգում չենք պարտվել: Հույս ունեմ, որ այդ ավանդույթը կշարունակվի»,- եզրափակել է Պյանիչը:

Աղբյուրը -  http://RealMadrid.am