Ինչպես հայտնի է, Մադրիդի Ռեալը ցանկանում էր գնել Էդին Ջեկոյին, որպեսզի համալրեր թիմի հարձակման գիծը: Կողմերի միջև բանակցությունները շարունակվեցին առանց արդյունքի, քանի որ գերմանացիների պահանջած գումարը մադրիդյան ակումբը չէր ցանկանում տալ և հուսով էր, որ ի վերջո համաձայնության կգան իրեն ձեռնտու պայմանով:

Սակայն այսօրվա այն տեղեկությունից հետո, որ Ջեկոն արդեն համաձայնության է եկել Մանչեսթեր Սիթիի հետ, Ռեալն անմիջապես հայտարարեց, որ ցանկանում է թիմում տեսնել Դորտմունդի Բորուսիայի հարձակվող Լուկաս Բարիոսին:

Հարկ է նշել, որ Բունդեսլիգայի նախորդ մրցաշրջանում, Բարիոսը 33 խաղում դարձել է 19 գոլի հեղինակ, իսկ այս տարի հասցրել է արդեն աչքի ընկնել 8 անգամ: Նշվում է նաև, որ նրա տրանսֆերային արժեքը կազմում է 15-ից 20 միլիոն եվրո:

ԱՂԲՅՈՒՐ - http://gol-bet.com