Բենզեման այսօր մտավ «Ռեալի» պատմության մեջ` խփելով ակումբի 300-րդ գոլը ՉԼ-ի պատմության մեջ: Բացի այդ ֆրանսիացին խփեց ևս երկու գոլ և ևս մեկ անգամ աչքի ընկավ Կրիշտիանու Ռոնալդուն: Առաջին կեսում մի քանի հիանալի սեյվեր կատարեց Եժի Դուդեկը, բայց նա առաջին կեսի վերջում հարված ստացավ ծնոտին ու ստիպված էր փոխարինվել: Դաշտ դուրս եկավ Անտոնիո Ադանը:

«Ռեալը» խմբային փուլում հավաքեց 16 միավոր 18 հնարավորից ու խփեց 15 գոլ, մինչդեռ մրցակիցները ընդամենը երկու անգամ են գտել նրա դարպասի բանալին: Սա լավագույն արդյուքն էր Չեմպիոնների լիգայի պատմության մեջ ու այս մրցաշարի ստեղծման պահից (1999/00 մրցաշրջան) ոչ մի թիմի չէր հաջողվել այսպիսի արդյունքի հասնել:

Բենզեման առաջին գոլը խփեց 12-րդ րոպեին գլխի գեղեցիկ հարվածով Ռոնալդուի ոչ պակաս գեղեցիկ փոխանցումից հետո: «Օսերը» հետ էր մղում նորանոր գրոհներ ու փորձում էր հակագրոհել ու գոլ խփել, որ պահպանի նվազագույն շանսերը Եվրոպայի լիգայի ուղեգիր ձեռք բերելու համար: Խաղը լքելուց առաջ Դուդեկը անհավանական կերպով մի քանի անգամ փրկեց իր թիմին: 

Մարսելոյից ֆանտաստիկ փոխանցում ստանալուց հետո Կրիշտիանու Ռոնալդուն 48-րդ րոպեին հուժկու հարվածով գրավեց Սորենի դարպասը: «Ռեալը» ցանկանում էր նոր գոլեր, բայց Մարսելոյի հրաշալի անցումից ու հարվածից հետո գնդակը փոքր շեղությամբ ընթացավ: 

Թիմի երրորդ գոլի հեղինակ դարձավ Բենզեման: Բենզեման շատ լավ էր տնօրինում գնդակը, կատարում էր հիանալի անցումներ ու ի վերջո 71-րդ րոպեին գնդակը նրա հարվածից հետո հայտնվեց դարպասում: Դրանից հետո Կրիշտիանու Ռոնալդուին փոխարինեց «Կաստիլյայի» խաղացող Պաբլո Սարաբիան, ով իր նորամուտը նշեց Չեմպիոնների լիգայում: Սարաբիան շատ լավ դրսևորեց իրեն ու ցույց տվեց, որ լիովին համապատասխանում է առաջին թիմում խաղալու համար: Մարզչի օգնական Աիտոր Կարանկան խաղադաշտ դուրս բերեց նաև Գարային, ով առաջին անգամ մտավ խաղադաշտ օգոստոսին ստացած ծանր վնասվածքը բուժելուց հետո, որը նա ստացել էր «Բավարիայի» հետ ընկերական խաղում:

Խաղավերջում Բենզեման էլ ավելի խոշոր դարձրեց հաշիվը, երբ օգտվելով մրցակցի դարպասապահ Օլիվիե Սորենի սխալից, Բենզեման հիանալի կերպով գնդակը կախեց մրցակցի դարպասը` ապացուցելով, որ հանդիսանում է «Ռեալի» մակարդակին համապատասխան հարձակվող: 

Կազմեր

Ռեալ Մադրիդ
Դուդեկ
Ադան 49'
Արբելոա
Ալբիոլ
Կառվալյու
Մարսելո
Գարայ 80'
Գրաներո
Լաս
Մ.Դիարա (Ա)
Պ.Լեոն
Բենզեմա	Գոլ 12', 76', 93'
Ռոնալդու	Գոլ 54'
Սարաբիա 77'

Օսեր
Սորեն
Դուդկա
Կուլիբալի
Մինյոն
Գրիխտինգ
Շաֆնի
Տրաորե
Պեդրետի (Ա)
Սամարիտանո 67'
Կունտու
Կերսիա 78'
Օլիեկ
Բիրսա
Լանժիլ 95'