«Արքայական» ակումբը այս առաջնությունում սեփական հարկի տակ բոլոր խաղերը հաղթել է, արդյո՞ք նրանք կշարունակեն իրենց հաղթարշավը սեփական դաշտում, պարզ կլինի խաղից հետո: Ժոզե Մոուրինյոն հաստատեց, որ Ռոնալդուն ապաքինվել է վնասվածքից և կլինի մեկնարկային կազմում: Իսկ Ռամոսն ու Կառվալյուն բաց կթողնեն խաղը որակազրկման պատճառով:
Ժոզե Մոուրինյոն հաստատեց նաև, որ մեկնարկային կազմում կլինեն նաև Օզիլն ու Մարսելոն: Ռամոսի և Կառվալյուի բացակայության պատճառով գլխավոր մարզիչը կազմում ընդգրկել է Մորատային ու Գառային: Այսպիսի քայլի Մոուրինյոն առաջին անգամ է դիմում:
«Վալենսիան» պայքարում է ՉԼ-ում խաղալու համար: Թիմը լավ մարզավիճակում է և հաղթել է նախորդ երկու խաղերում` «Բուրսասպորին»` Եվրոպայի Լիգայում և «Ալմերիային»` Լա Լիգայում: Այդ խաղերում «Վալենսիան» խփել է 8 գնդակ` 6-ը «Բուրսասպորին», 2-ը «Ալմերիային»: Այդ պատճառով, «Արքայական» ակումբը պետք է ուշադրություն դարձնի «Վալենսիայի» հարձակման գծի վրա, որտեղ լավ են հանդես գալիս Ադուրիսը, Մատան և Սոլդադոն (վերջին երկուսը «Ռեալի» սան են):
«Վալենսիայի» մարզիչ Ունայ Էմերին չի կարող օգտագործել դարպասապահ Սեզարին, Մոյային և Տոպային, քանի որ վնասվածքներ ունեն: Չեն խաղա նաև Մաթեոն և Դավիդ Նավարոն:
Логин
Пароль
