Մադրիդի Ռեալի ղեկավարությունը որոշել է չավելացնել ֆուտբոլիստներին տրվող բոնուսների չափը և այն թողնել այնքան, ինչքան կար 2009-2010 թթ.:

Արքայական ակումբի նախագահ Ֆլորենտինո Պերեսը, թիմի ավագ Իկեր Կասիլիասի և Սերխիո Ռամոսի հետ, համաձայնության է եկել, որ ամեն ֆուտբոլիստ կստանա 1 135 000 եվրո, եթե թիմը հաղթանակի հասնի երեք մրցաշարերում:

Այդպիսով, ամեն ֆուտբոլիստ, Չեմպիոնների լիգայում հաղթանակի հասնելու դեպքում կստանա 575 000 եվրո, Լա Լիգայում չեմպիոն հռչակվելու դեպքում՝ 360 000 եվրո, իսկ Իսպանական Գավաթին՝ Copa del Rey-ին տիրանալու պարագայում՝ 200 000 եվրո գումար:

Ավելացնենք, որ Ռեալը, Լա Լիգայում, վերջին անգամ չեմպիոն է դարձել 2007/2008 թթ. մրցաշրջանում, իսկ Չեմպիոնների լիգայում՝ 2002 թ.: