Ժոզե Մոուրինյոն արդեն մտածել է, թե ինչպես է փոխարինելու Իգուաինին, եթե վերջինս երկար ժամանակով դուրս մնա, ու թե ինչպես է օգտագործելու Կակային, ով վերադառնալու է հունվարին: 

«Ռեալը» որոշել է ձմռանը հարձակվող չգնել, քանիոր Կակայի գալով Մոուրինյոն նոր տարբերակ է մշակել: Արդեն մեկ ամիս առաջ նա հայտարարել էր, որ ձմռանը լավագույն ձեռքբերումը լինելու է Կական, որի նման խաղացող տրանսֆերային շուկայում չես գտնի: 

Պորտուգալացի մասնագետը լրջորեն մտածում է Ռոնալդուին որպես կենտրոնական հարձակվող, իսկ Կակային խաղարկող օգտագործելը: Բացի այդ Ժոզե Մոուրինյոն կարծում է, որ այս սխեմայում իր տեղը կունենա նաև Օզիլը:

Ֆլորենտինո Պերեսը չի ցանկանում նոր խաղացող գնել ու ի դեմս Կակայի նա տեսնում է Իգուաինի տեղը հիմնական կազմում զբաղեցնող խաղացողին: Այս ամենից հետևություն կարելի է անել, որ նրանք չեն ցանկանում օգտագործել Բենզեմային, ում լիովին չեն վստահում:

Այս ամենից հետո թիմի մեկնարկային կազմը այս տեսքը կունենա.

Կասիլյաս(Ա)

Ռամոս-Պեպե-Կառվալյու-Մարսելո

Խեդիրա-Ալոնսո

Օզիլ-Կակա-Դի Մարիա

Ռոնալդու

ԱՂԲՅՈՒՐ - http://realmadrid.am