Արդեն կես տարի է, ինչ Ժոզե Մոուրինյոն գլխավորում է «Ռեալը»:  Ակումբի համար մարզիչը այս ժամանակ բավական աշխատանք է կատարել: Բայց աշխարհի ամենատիտղոսակիր և հարուստ թիմին մարզելն այնքան էլ հեշտ  գործ չէ և շատ ջանք է պահանջում:

«AS» իսպանական ամսագրի լրագրողները   նկատել են, որ վերջին վեց ամիսների ընթացքում Մոուրինյոն նկատելիորեն ճերմակել է: Եթե հիշենք «Բարսելոնայի» հետ վերջին հանդիպումը, երբ մադրիդցիները 0:5 հաշվով զիջեցին կատալոնացիներին, ապա հասկանալի է, որ նման հանդիպումներից հետո ոչ միայն կարելի է ճերմակել, այլ անգամ ճաղատանալ:

Համաձայն մաշկաբան-գիտնականների ուսումնասիրությունների, մազերի գունաթափման պատճառներից մեկն էլ սթրեսն է: Իսպանացի լրագրողները խորհուրդ են տալիս խնդիրը լուծել առանց արհեստական ներկերի,  հարկավոր  է հնդկական հաղարջը  քսել գլխին: Կամ նույն պրոցեդուրան անել  անթառամի տերևներով: Միևնույն ժամանակ իսպանացիներն առաջարկում են մեկ այլ տարբերակ: Անհրաժեշտ է ընդամենը հաղթել Իսպանիայի առաջնությունն ու Չեմպիոնների լիգան, այդ ժամանակ մազերը բնական գույն կստանան:

ԱՂԲՅՈՒՐ - http://armsport.am