Բարսելոնան, այս մրցաշրջանում, մեկը մյուսի ետևից գերազանցում է իր կամ Պրեմիեր լիգայի ռեկորդները:

Հերկուլեսի նկատմամբ տոնած հաղթանակից հետո (0-3), Բլաուգրանան տոնեց 15-րդ անընդմեջ հաղթանակը և հավասարվեց Մադրիդի Ռեալի՝ 1960-61 թթ. ռեկորդին, երբ վերջինիս կազմում փայլում էր Ալֆրեդո դի Ստեֆանոն:

Երեկվա հանդիպումը ռեկորդային էր նաև այն առումով, որ կատալոնյան ակումբը, արտագնա 10-րդ հանդիպումն ավարտեց հաղթանակով, այսինքն՝ տաս հնարավորից տոնելով նույնքան հաղթանակ: Հարկ է նշել, որ ընթացիկ մրցաշրջանում, Բարսելոնան երկու հանդիպումներում է միայն միավորներ կորցրել, այն էլ սեփական հարկի տակ անցկացրած հանդիպումներում՝ զիջելով Հերկուլեսին (0-2) և ոչ ոքի խաղալով Մալագայի հետ (1-1):