Կամաց-կամաց մոտենում է տրանսֆերային շրջանի ավարտը և Եվրոպայում հասունանում է մի տրանսֆեր, որը կարող է լինել ամենանշանակալին հունվարյան այս շրջանի ընթացքում, քանի որ, ըստ լրատվամիջոցներում հայտնված տեղեկությունների, Մադրիդի Ռեալն ու Մանչեսթեր Յունայթեդը մտադիր են փոխանակել Սերխիո Ռամոսին և Պատրիս Էվրային:
Նշվում է, որ Ալեքս Ֆերգյուսոնը շատ է հավանում Ռամոսին և պատրաստ է անելու ամեն ինչ նրան ձեռք բերելու համար: Մյուս կողմից՝ այս օրերին խոսվում է, որ Ռամոսն ընդհարվել է Ռոնալդոյի հետ և ցանկանում է տեղափոխվել Անգլիայի Պրեմիեր լիգա:
Ռամոսի նկատմամբ իր հետաքրքրություն է արտահայտել նաև Լոնդոնի Արսենալը, սակայն «կարմիր սատանաները» պատրաստվում են նրա փոխարեն առաջարկել Էվրային, որը ձեռնտու է նաև Ռեալին, քանի որ թիմը եզրային լավ պաշտպանի փնտրտուքների մեջ կհայտնվի Ռամոսի հեռացման պարագայում:
Логин
Пароль
