Կառլես Պույոլ - Ռեալ Բարսա Էլ Կլասիկի - Ֆուտբոլիստներ

Կառլես Պույոլ Սաֆորկադան(իսպ. Carles Puyol Saforcada) ծնվել է 1978 թվականի ապրիլի 13-ին իսպանական Պոբլա դե-Սեգուր քաղաքում: Բարսելոնայի ավագն է, Իսպանիայի լավագույն պաշտպաններից մեկը, Իսպանիայի ազգային հավաքականի հիմնական կազմի ֆուտբոլիստ:
Պույոլը կոշտ, ագրեսիվ ֆուտբոլիստ է, ով հավասարապես լավ է խաղում ինչպես պաշտպանության կենտրոնում, այնպես էլ եզրերում: Նրա անձնուրաց խաղը և պրոֆեսիոնալիզմը դարձրել են նրան Բարսելոնայի ամենահայտնի ֆուտբոլիստներից մեկը: Իսկ նրա տակտիկական ունակությունները նրան թույլ են տալիս խուսափել դեղին քարտերից և վնասվածքներից, ինչը թույլ է տալիս Բարսայի ավագին մասնակցել թիմի համարյա բոլոր խաղերին:
1996 թվականին 17 տարեկան հասակում նա եկավ Բարսելոնա Բ, իսկ արդեն 1999-ին մարզիչ Լուի վան Գաալը նրան ընդգրկեց հիմնական թիմի կազմ: Պույոլը Բարսելոնայի կազմում իր դեբյուտը նշեց 1999-ի նոյեմբերի 2-ին Վալյադոլիդի դեմ խաղում: Սկզբում նա խաղում էր պաշտպանության աջ եզրում, սակայն հետագայում հաջողությամբ սկսեց խաղալ կենտրոնական պաշտպանի դիրքում` դառնալով աշխարհի լավագույն կենտրոնական պաշտպաններից մեկը:
Պույոլը Բարսելոնայի ավագը դարձավ 2003-04 մրցաշրջանում: Ռաուլի բացակայության դեպքում Պույոլը կրում էր ավագի թևկապը նաև Իսպանիայի հավաքականում:
2006 թվականի մայիսի 17-ին Բարսելոնան իր ավագ Պույոլի հետ միասին Փարիզում հաղթեց ՈՒԵՖԱ-ի Չեմպիոնների Լիգան` եզրափակիչում հաղթելով Արսենալին 2-1 հաշվով: Բացի այդ Պույոլը չեմպիոնների գավաթը որպես Բարսելոնայի ավագ հաղթեց նաև երկրորդ անգամ 2009 թվականի մայիսի 27-ին` եզրափակիչում հաղթելով անգլիական Մաչեսթեր Յունայթեդին 2-0 հաշվով: Իսպանիայի հավաքականի կազմում ՀԱՀ-ում դարձավ 2010-ի աշխարհի չեմպիոն: Աշխարհի առաջնությունից հետո Պույոլը որեշեց ավարտել իր ելույթները իսպանիայի հավաքականի կազմում:

Մրցանակները